Nattcup på Stranda vert avvikla, nesten utan unntak, den første helga i januar kvart år. Turneringa går føre seg i den vakre bygda Stranda på Sunnmøre. Det er ofte trangt om plassen på dei 500 sitjeplassane i Strandahallen, og stemninga er høg. På parketten spelar både amatørar og proffar. Pris per lag er kr 1000,- og nedre aldersgrense er 16 år.

Strandahallen har parkett, garderober og kiosk, og ligg sentralt plassert på Stranda. Utanfor hallen er det rikeleg med parkeringsplassar. Arrangørgjengen legg ned mykje arbeid for å få til Nattcup, og med Strandafotball i ryggen jobbar vi hard for å presentere Nordvestlandets beste innandørscup. Nattcup vart skipa i 1995, og det er mykje prestisje i å vinne den årvisse turneringa. For vinnaren ventar det dessutan ein gild premie.

Cupen startar tidleg fredag kveld, og laga spelar innleiande gruppespel heile natta. Ut på laurdags morgon vert det sluttspel, og vanlegvis er vinnaren kåra i 16-tida. Chippen-konkurransen dukkar også opp, med flotte premiar. Dersom vi får inn nok kvinnelag, vil vi ha eigen klasse for desse. Vi veit det er mange gode jentelag der ute, og oppfordrar difor alle desse til å stille. Lag som har jenter med, vil uansett ha fordelar, les meir om dette på reglar.

For dei som ynskjer overnatting, kan ein t.d. nytte Stranda Hotell. Har du spørsmål om overnatting, send ein e-post til Espen Hove på post@nattcup.net eller telefonnummer 41 25 51 29. Laurdag kveld må sjølvsagt både vinnarar og taparar feirast, dette skjer på det lokale diskoteket på Stranda Hotell.

Har du spørsmål om arrangementet, kan du sende ein e-post til samme adresse som over eller ringe 41 25 51 29.


Trykk på bildet under og finn Stranda på kartet.